Konkursi “Adhuruesit e vogëlushit Hlapit”

Vini re!!! Vini re!!!

Fillon konkursi “Adhuruesit e vogëlushit Hlapit”!

Botime Pegi hap një konkurs krijimtarie për të gjithë fëmijët nga mosha 8-14 vjeç.

Të gjithë fëmijët janë të ftuar të shkruajnë një tregim të shkurtër, bazuar në librin "Aventurat e pazakonta të shegertit të vogël”. 

Secili prej tyre është i lirë të krijojë një përrallë të re nga e para me secilin prej personazheve të librit, të ndryshojë rrjedhën e një ngjarjeje të caktuar në përrallë apo çfarëdo tjetër i sugjeron fantazia, por gjithnjë në lidhje me Hlapitin e vogël.

Konkursi do të jetë i hapur deri më datë 1 prill 2020 dhe fituesi do të shpallet më datë 1 qershor 2020, në Ditën Ndërkombëtare të Fëmijëve.

Tregimet e fëmijëve do të publikohen në një blog të veçantë, të quajtur “Adhuruesit e vogëlushit Hlapit” https://hlapit.blogspot.com/

Tregimet do të vlerësohen nga redaksia jonë, pra nga profesionistë të fushës.

Fituesi do të marrë si dhuratë një komplet librash nga botimet tona për fëmijë.

Forca fëmijë, lëreni fantazinë të fluturojë!

Forca mama dhe baballarë, shpërndajeni fjalën te fëmijët tuaj!